ინფორმაცია იმის შესახებ, რომ ქართული ჯარისთვის შესყიდული ფეხსაცმელი უვარგისი აღმოჩნდა, მოყვა ინფორმაცია, რომ საფრთხე ემუქრება   სამხედრო მოსამსახურეების კვებით  უზრუნველეყოფასაც. მსგავსი რამ ედუარდ შევარდნაძის მმართველობის შემდეგ არ მომხდარა.

 

 

,,ევროპული საქართველოს'' ერთ-ერთი ლიდერი გიგი უგულავა  ამბობს, რომ 2019 წლის იანვარში ის ტენდერები ჩაიშალა, რომელიც საქართველოს შეარაღებული ძალების (თავდაცვის სამინისტრო, შსს, სდსს) სურსათით მომარაგებისთვის იყო აუცილებელი. ტენდერების საერთო ღირებულება 2 მლნ ლარზე მეტია.

 

"ტენდერების ჩაშლამ სამხედრო მოსამსახურეთა უწყვეტი კვებით მომარაგება დააყენა საფრთხის ქვეშ. ამ საფრთხეს ადასტურებს შპს სახელმწიფო კვებითი უზრუნველყოფის დირექტორი ალექსი ზანდარაშვილიც, რომელმაც თქვა, რომ "საფრთხე შეექმნა სამხედრო მოსამსახურეთა უწყვეტ კვებით მომარაგებას, რაც თავის მხრივ, მოქმედებს ჯარისკაცის ბრძოლისუნარიანობაზე.

 

ეს გამოწვევა საქართველოს შეიარაღებულ ძალებსა და პოლიციელებს მას შემდეგ დაუდგათ რაც პრემიერმა მამუკა ბახტაძემ გააფართოვა იმ ტენდერების ნუსხა, რომელთა ჩატარებაც კონსოლიდირებულად (გაერთიანებულად) ხდება.

 

ამ გადაწყვეტილებას ჯამურად 123 ტენდერის ჩაშლა მოჰყვა, რომელთა ჯამური ღირებულება 35 მლნ-ზე მეტია. ერთ პირთან მოლაპარაკების გზით კი 674 ხელშეკრულება დაიდო", – ამბობს უგულავა. 

მისივე თქმით, 

 

"ხელისუფლების არასწორი გადაწყვეტილებების შედეგად: ფაქტობრივად გაუქმდა სახელმწიფო შესყიდვების სისტემის ერთ-ერთი მთავარი მიღწევა – ელექტრონული შესყიდვები; ერთ პირთან მოლაპარაკებების გაფორმებული ხელშეკრულებების შედეგად, გაიზარდა კორუფცია;  სახელმწიფომ დაკარგა თანხა, რადგან ელეტრონული ტენდერი იძლეოდა საშუალებას სახელმწიფოს  ყოველ შესყიდვაზე 5-15% (ანუ საშუალოდ 10%) ეკონომია გაეკეთებინა; შეუსრულებელი დარჩა სახელმწიფოს ფუნქციონირებისთვის საჭირო შესყიდვები".  – ამბობ გიგი უგულავა. 

 

თავდაცვის სამინისტრო კი უარყოფს, რომ ქართულ ჯარს კვებით მომარაგების პრობლემა აქვს.