ბაჩანა შენგელია იმ პირების დასჯას ითხოვს, ვინც მე- 6 სკოლის გენინსპექტირების საქმეში მონაწილეობდა

„გამოიძიე ღირსების საქმე“, „ხელები შორს სკოლისგან“, „სკოლა პოლიტიკის გარეშე“- ამ ტრანსპარანტებით ხელში გაიმართა აქცია ზუგდიდში, სამეგრელო-ზემო სვანეთის სამხარეო ადმინისტრაციის შენობასთან, სადაც მე-6 საჯარო სკოლის დირექტორის ია კერზაიას საქმის ობიექტური გამოძიება მოითხოვეს. დირექტორის შვილი ბაჩანა შენგელია იმ 4 პირის დასჯას ითხოვს, ვინც უშუალოდ განახორციელა და დაგეგმა სკოლაში გენ. ინსპექციის შესვლა: „ ესენი არიან განათლების მინისტრი მიხეილ ბატიაშვილი, აუდიტის სამსახურის უფროსი ნოდარ წამალაშვილი და მათან ერთად განათლების სამინისტროს 2 თანამშრომელი. „- განაცხადა ბაჩანა შენგელიამ. მისი თქმით, გარკვეული პასუხისმგებლობა ამ საქმეზე უნდა აიღოს ზუგდიდის რესურსცენტრმაც, რომელმაც ვერ დაიცვა სკოლა. ის ასევე აცხადებს, რომ გამოძიება დაწყებული არ არის და ის ფაქტი რომ 25 დეკემბერს ბაჩანა შენგელია დაბარებულია პროკურატურაში და გამოიკითხება, არ ნიშნავს იმას, რომ გამოძიება დაწყებულია. ია კერზაია ქუთაისის ინტერვენციული მედიცინის ცენტრში ინსულტის მძიმე ფორმით 2 დეკემბერს მოათავსეს და 9 დეკემბერს გარდაიცვალა. მისი ჯანმრთელობის მდგომარეობის გაუარესებას მისი შვილი ბოლო პერიოდში ია კერზაიას მიმართ პოლიტიკურ ზეწოლას უკავშირებს.

ბაჩანა შენგელია იმ პირების დასჯას ითხოვს, ვინც მე- 6 სკოლის გენინსპექტირების საქმეში მონაწილეობდა

სიახლეები

საია- სტრასბურგის სასამართლომ “უცხოეთის აგენტების რეგისტრაციის აქტზე” საჩივრის არსებითი განხილვა დაიწყო

ყაჩაღობის ბრალდებით დედა-შვილი და კიდევ ერთი პირი დააკავეს

3 აპრილს, 12:00 საათზე მოსაყდრის მოწვევით წმიდა სინოდის სხდომა გაიმართება – საპატრიარქო

აღდგომის შემდეგ შესაძლოა კვერცხი ისევ გაძვირდეს