მთავარისიახლეებიპოლიტიკა"მოვალეთა შავ სიაში მყოფი პირებისთვის უნდა მოხდეს ვალების ჩამოწერა" - გრიგოლ ვაშაძე

“მოვალეთა შავ სიაში მყოფი პირებისთვის უნდა მოხდეს ვალების ჩამოწერა” – გრიგოლ ვაშაძე

Published on

გაერთიანებული ოპოზიცია ბანკების მიერ ქვეყანაში შექმნილ მონოპოლიას აპროტესტებს. გრიგოლ ვაშაძე მოუწოდებს მთავრობას დაუყოვნებლივ უზრუნველყოს მოქალაქეების მოვალეთა ე.წ. შავი სიებიდან ამოღება და მათი ვალები გადაიბაროს სახელმწიფომ.
 
"საქართველოს მოქალაქე იმყოფება უკიდურეს ეკონომიკურ მდგომარეობაში. ყოველი მეორე ქართველი არის დაკაბალებული ვალებით, ან მიკროსაფინანსო ორგანიზაციის მიერ, ან  იმ სამი ბანკის მიერ, რომლებიც მევახშეებად არიან  გადაქცეული და მშვენივრად გრძნობენ თავს ივანიშვილის შექმნილ გასაოცარ ეკონომიკაში. ჩვენ შევისწავლეთ ჩვენი ქვეყნის, ჩვენი მოქალაქეების ეკონომიკური მდგომარეობა, იმ ადამიანების ვინც უნდა ამოძრავებდეს ჩვენი ქვეყნის ეკონომიკას და ვინც არიან დაყადაღებული ან არიან  მოვალეთა შავ სიაში. ამიტომ კატეგორიულად მოვითხოვთ. პირველი, საქართველოს მთავრობამ ნებისმიერ  პირს, რომელიც დღეის მდგომარეობით არის მოვალეთა შავ სიაში  და ვერ იხდის ბანკების და მიკროსაფინანსოების ვალებს, ხელისუფლების მიერ  უნდა მოხდეს მათი ვალდებულებების ჩამოწერა და ეს ადამიანები  მყისიერად უნდა იქნენ ამოღებული მოვალეთა შავი სიიდან. ამისათვის მთავრობამ უნდა შეისყიდოს მათ ვალები და ჩაანაცვლოს ეს გაჭირვებული ხალხი ბანკებთან ურთიერთობაში,“-განაცხადა გრიგოლ ვაშაძემ.
 
გრიგოლ ვაშაძე ასევე მიმართავს პარლამენტს, რომ დაუყოვნებლივ მიიღოს კანონი ამ დღემდე დარიცხული სანქცია-საურავების  სრული ამნისტიის შესახებ. საპრეზიდენტო კანდიდატი ასევე ეროვნულ ბანკს მოუწოდებს მოხდეს იპოთეკის პროცენტის ეტაპობრივი განახევრება.
 
„ეს თუ არ გაკეთდა საქართველოს მოქალაქესთან ერთად უკიდურესად დაზარალდება ჩვენი ეკონომიკა. ჩამოგვექცევა ეს ეკონომიკა თავზე და ამ ჩამოქცევას ვერც ბანკები გადაურჩებიან,“-განაცხადა გრიგოლ ვაშაძემ.
 

სიახლეები

“ნაციონალური მოძრაობის” ოფისი გაიყიდა

პარტია "ნაციონალური მოძრაობის" ოფისი გაიყიდა. რეესტრში შესულია ქონების გადაფორმების განაცხადი. დოკუმენტების თანხმად, "ნაციონალური მოძრაობის"...

ევროკავშირმა უნგრეთის ვეტო დაძლია და რუსეთისთვის სანქციების გახანგრძლივებაზე შეთანხმდა

ევროკავშირმა უნგრეთის ვეტო დაძლია და რუსეთისთვის სანქციების გახანგრძლივებაზე შეთანხმდა - წევრი ქვეყნები შეთანხმდნენ, რომ...

ე.წ. საზღვრის კვეთის საქმეზე მიხეილ სააკაშვილის განაჩენი ორშაბათს გამოცხადდება

ე.წ. საზღვრის კვეთის საქმეზე მიხეილ სააკაშვილის განაჩენი ორშაბათს, 17 მარტს, 11 საათზე გამოცხადდება. მოლოდინი...

ღამით დრონებმა მოსკოვს ისევ შეუტიეს – დაიკეტა “ვნუკოვო”

გასულ ღამეს უკრაინულმა დრონებმა მოსკოვს ისევ შეუტიეს. მერის, სერგეი სობიანინის თქმით, საჰაერო თავდაცვამ ოთხი...