გუშინ სარფის საბაჟოზე  პრობლემები შეიქმნა  – ფინანსთა სამინისტროს შემოსავლების სამსახურის ინფორმაციით, საბაჟო  15 ნოემბერამდე შეფერხებით იმუშავებს.

 

"თურქეთის მხარეს, საბაჟოზე მიმდინარე სარემონტო/სარეაბილიტაციო სამუშაოების გამო, საქართველოს საბაჟო ტერიტორიაზე საქონლის შემოტანა/გატანა, აგრეთვე აღნიშნული საბაჟო გამშვები პუნქტის გავლით სახელმწიფო საზღვრის გადამკვეთ ფიზიკურ პირთა მიმართ, საბაჟო კონტროლის პროცედურების განხორციელება ხდება შეფერხებით. კერძოდ; 13-15 ნოემბერს, 12:00 საათიდან 15:00 საათამდე შეჩერებული იქნა საბაჟო პროცედურები. სარეაბილიტაციო სამუშაოების დასრულებისთანავე, საბაჟო გამშვები პუნქტი ,,სარფი“, ჩვეულ რეჟიმში, სრული დატვირთვით იმუშავებს. შესაბამისად, მგზავრებისა და ტვირთების გატარება შეუფერხებლად მოხდება" – აღნიშნულია ინფორმაციაში.