გენერალ დევი ჭანკოტაძის განცხადებას კიდევ ერთი ვეტერანი ქართველი მებრძოლი ეხმაურება:
გენერლებო!
მე, ლევან ზარია, აფხაზეთის ომის ვეტერანი, 2008 წლის ომის მონაწილე, უკრაინის ომის მონაწილე ასეულის მეთაური, არ ვაძლევ საქართველოს მოღალატეს ხმას, რომელმაც ჩემი ქვეყანა დაადანაშაულა ომის დაწყებაში!
მე არ ვაძლევ ხმას იმ რეჟიმს, რომლიც მოღალატეობრივია!
აფხაზეთი და სამაჩაბლო საქართველო იყო არის და მუდამ იქნება!
დიდება გმირებს!
ეს არის სამშობლოს ღირსეული ჯარისკაცის პასუხი გენერალური შტაბის ყოფილი უფროსის გენერალ დევი ჭანკოტაძის განცხადებაზე, რომ ქვეყნის პრეზიდენტი არ უნდა გახდეს ის, ვინც საქართველოს ომის დაწყებაში ადანაშაულებს.
„2008 წელს საქართველოს ჯარი იცავდა თავის სამშობლოს. ჩვენი დაღუპული ბიჭების სულების წინაშე, ჩვენი თანამებრძოლების წინაშე, მთელი საქართველოს წინაშე ჩვენ კიდევ ერთხელ უნდა ვთქვათ სიმართლე, საქართველოს არ დაუწყია ომი, საქართველოს ჯარს არ დაუბომბია მძინარე ქალაქი. ჩვენ ვიცავდით სამშობლოს და მომავალშიც დავიცავთ. რამდენიმე კვირაში საქართველო ახალ პრეზიდენტს აირჩევს, სამხედრო ძალების უმაღლეს მთავარსარდალს. ეს არ შეიძლება იყოს ის ადამიანი, ვინც დაადანაშაულებს საქართველოს ომის დაწყებაში, ვისი ბრალდების საფუძველზეც ჰააგის ტრიბუნალი და რუსი ოკუპანტი ცდილობს, ჩვენ ბიჭები გაასამართლოს,“- განაცხადა დევი ჭანკოტაძემ