სასტუმრო „ოლდ თბილისში“ „ევრაზიული კავშირის ბიზნესფორუმი“ მიმდინარეობს. ფორუმი ორგანიზებულია მედვედევის მიერ მხარადაჭერილი ფონდის მიერ და მასში მონაწილეობენ ბიზნესმენები , რუსეთიდან, სომხეთიდან და ბელორუსიდან და …საქართველოდან
სასტუმროსთან მივიდნენ მოძრაობა "რუსეთი ოკუპანტიას" წარმომადგენლები, რომლებიც „ევრაზიული კავშირის ბიზნესფორუმის“ გამართვას აპროტესტებენ.
მოძრაობის წარმომადგენლის, ანა ჭარხალაშვილის განცხადებით, მაშინ როდესაც რუსეთს ოკუპირებული აქვს საქართველოს ტერიტორიების ნაწილი, „ევრაზიული კავშირის ბიზნესფორუმი“ თბილისში არ უნდა იმართებოდეს.
„ამ ფორუმს კავშირი არ აქვს ბიზნესთან. უცნობია, ვინ არის ამ ფორუმის ქართველი მასპინძელი. ევრაზიული ეკონომიკური კავშირი იგივეა, რაც შეფარული საბჭოთა კავშირის იდეოლოგია. ცდილობენ საქართველო მოაქციონ თავიანთ კლანჭებქვეშ. – განაცხადა ანა ჭარხალაშვილმა.
აქციის მონაწილეები მოითხოვენ რუსეთიდან ჩამოსულებმა წერილობით დაადასტურონ რომ სამაჩაბლო და აფხაზეთი საქართველოს ტერიტორიაა.
მისივე განცხადებით, დღევანდელი ფორუმი მცირე მეწარმეების მოხიბვლას და მათზე ზეგავლენის მოხდენას ისახავს მიზნად. ჩვენ ისევ გვეძახიან საბჭოთა კავშირში მაგრამ არ დავბრუნდებით,"- განაცხადა ანა ჭარხალაშვილმა.