,,ბავშვთა სამყაროს'' ხანძრის შედეგად დაზარალებულები პროტესტის უკიდურეს ფორმას მიმართავენ და თავის დაწვით იმუქრებიან.
აქციის მონაწილეებმა, მთავარ პროკურატურასთან დღეს გამაფრთხილებელი აქცია გამართეს და შალვა თადუმაძეს ვადა ხვალ საღამომდე მისცეს.
დაზარალებულები, მთავარ პროკურორთან შეხვედრას, ზარალის ანაზღაურებას და ბავშვთა სამყაროს ხელმძღვანელობის დასჯას მოითხოვენ, რომლებმაც მათი განცხადებით ხანძარი შენობაში განზრახ, ხელისუფლებასთან შეთანხმებით გააჩინეს.
„ჩვენი მოთხოვნა არის სასწრაფოდ შეწყდეს ეს უაზრო დაკითხვები რაც მიმდინარეობს. მიმდინარეობდა თვეში 1 პროცესი. დაიკითხა დაზარალებულების უმეტესობა, დაიკითხა ის ხალხი, ვინც მართლა დაზარალებულია. ახლა მაჭავარიანმა დაზარალებულად ისეთი ხალხი სცნო, ვისაც ფაქტიურად ზარალი არ უნახავს არც ერთი პროცენტით.
„მთავარი მოთხოვნა არის ზარალის ანაზღაურება. ადგილობრივმა ადმინისტრაციაში მყოფმა კრიმინალურმა ხროვამ გაძარცვა და დაწვა ეს ხელისუფლების დაკვეთით. იმათი მფარველობით არიან დღემდე, ესენი ვინ არიან – ივანიშვილი, კვირიკაშვილი, კალაძე, ხაზარაძე, ფარცხალაძე, რომელიც დღემდე მფარველობს ამათ,“ – განაცხადეს აქციის მონაწილეებმა.