ბათუმში მიმდინარე ჭადრაკის ოლიმპიადის მოხალისეებს სუვენირებად დაურიგეს  საქართველოს რუკა…. აფხაზეთის და ცხინვალის გარეშე. 

 

ეს ,,საჩუქარი'' ბათუმელებსა და ქალაქის სტუმრებს გაუკეთა ხანტი-მანსიისკის დელეგაციამ , რომელიც   ბათუმში საპატიო სტუმრის სტატუსით იმყოფება,  რადგან მომავალი ოლიმპიადა სწორედ მათთან იმართება.

 

ოკუპირებული ტერიტორიების გარეშე საქართველოს რუკის საჩუქრებად დარიგება საქართველოს ჭადრაკის ფედერაციამ გააპროტესტა . დელეგაციის ხელმძღვანელმა,  ქალაქის მერმა ვასილი ფილიპენკომ  პასუხი ვერ გასცა  კიხვას,  რატომ იყო მათ მიერ დაბეჭდილ რუკაზე საქართველო დანაწევრებული.

 

რუსულ საჩუქრებსა და ამის გამო ატეხილ სკანდალზე კომენტარის გაკეთება არ ისურვა FIDE-ს ახლად არჩეულმა რუსმა პრეზიდენტმა. არკადი დვორკოვიჩი 2008 წელს მედვედევის მრჩეველი იყო და აფხაზეთსა და ოკუპირებულ ცხინვალს ხშირად დამოუკიდებელ სახელმწიფოებად მოიხსენიებდა.

 

საბოლოოდ,  გია გიორგაძემ რუსი კოლეგებისგან მიიღო ბოდიში და განმარტება, რომ რუკის შესახებ მათ არ იცოდნენ.

 

ბათუმში მიმდინარესაჭადრაკო ოლიმპიადა 6 ოქტომბერს დასრულდება.