სოხუმი. 29 მაისი. საინფორმაციო სააგენტო ,,სპუტნიკ აბხაზიის'' ცნობით, სოხუმში იწყება საზოგადოებრივი კამპანია აფხაზეთის ისტორიისა და კულტურის ძეგლების დაცვის საკითხისადმი ხელისუფლების ყურადღების მიპყრობის მიზნით.
,,ხშირად გაისმის წუხილი იმის გამო, რომ არქიტექტურის ძეგლები ინგრევა, მაგრამ ხელისუფლების საპასუხო რეაქცია და კონკრეტული ქმედებები არ ჩანს. – აცხადებს ჰუმანიტარული პროგრამების ცენტრის წარმომადგენელი, კამპანიის ერთერთი ორგანიზატორი კამა არგუნი – ჩვენ შევისწავლეთ აფხაზეთის კანონი ისტორიულ – კულტურული მემკვიოდრეობის დაცვის შესახებ“, ვესაუბრეთ კულტურის სამინისტროს, მხატვართა და არქიტექტორთა შემოქმედებითი გაერთიანებების წარმომადგენლებს და მივაღწიეთ შეთანხმებას ერთობლივად ჩავატაროთ სამთვიანი საზოგადოებრივი კამპანია იმ ნგრევის შესაჩერებლად, რომელსაც დროსთან ერთად ხელისუფლების უყურადღებობა განაპირობებს.
კამპანიის მიზანია გააერთიანოს საზოგასდოება ძველი სოხუმის არქიტექტურული იერ-სახის შენარჩუნებისათვის და ისტორიული ძეგლების მოვლა-პატრონობის სახელმწიფო დონეზე აყვანისათვის. სულ სოხუმში 295 – მდე მნიშვნელოვანი არქიტექტურული ძეგლია დაფიქსირებული და მათი უდიდესი უმრავლესობა სავალალო მდგომარეობაშია, აცხადებს კამა არგუნი. მისი აზრით, გადახედვას მოითხოვს თავად კანონიც, რომელშიც ბევრია ხარვეზი და ორაზროვნება, რომელიც ხელ – ფეხს უხსნის მათ, ვისაც ქალაქში საკუთარი ინტერესები აქვთ და ამ ინტერესებს სწირავენ ისტორიულ ძეგლებს