ჯონ მაკკეინის ცხედარი კაპიტოლიუმის სასახლეშია დასვენებული. ამერიკის ეროვნული გმირის სამოქალაქო პანაშვიდი დღეს დილიდან უკვე ვაშინგტონში მიმდინარეობს.
ცოტა ხნის წინ კაპიტოლიუმში ამერიკის ვიცეპრეზიდენტი მივიდა. მაიკ პენსმა განაცხადა, რომ პროცესიაზე პრეზიდენტ ტრამპის თხოვნით იმყოფება, თავად ტრამპს სენატორის პანაშვიდზე დასწრება თავად მაკკეინმა აუკრძალა.
„35 წლის განმავლობაში ჯონ მაკკეინი ამ გუმბათის ქვეშ, ამ დარბაზში მსახურობდა. იბრძოდა იმისთვის, რისიც სწამდა. როდესაც კონგრესში ვმუშაობდი და ახლაც, ჩვენ ერთმანეთს ყოველთვის არ ვეთანხმებოდით, მაგრამ მისი მხარდაჭერა მნიშვნელოვან საკითხებზე ქვეყანას უფრო აძლიერებდა. ჯონ მაკკეინი ძალიან დაგვაკლდება. როგორც პრეზიდენტმა ტრამპმა განაცხადა გუშინ, ჩვენ პატივს ვცემთ ქვეყნისადმი მის მიერ გაწეულ სამსახურს. ჩვენ ყოველთვის გვემახსოვრება, რომ ჯონ მაკკეინი ემსახურა თავის სამშობლოს და ემსახურა ერთგულად,“- განაცხადა აშშ-ის ვიცეპრეზიდენტმა, მაიკ პენსმა.
ამერიკის ეროვნულ გმირს კვირას ანაპოლისის სამხედრო აკადემიის სასაფლაოზე, დაკრძალავენ.
მსოფლიო მედიაშიაღნიშნავენ, რომ დაკრძალვის ცერემონიალსდაესწრება მაკ-კეინის 106 წლის დედა რობერტა.
