აშშ-ის პრეზიდენტის, დონალდ ტრამპის განცხადებით, მას არ სჯერა, რომ რუსეთი ირანს ეხმარება. ამის შესახებ მან ჟურნალისტებთან საუბრისას განაცხადა.
„მე არ მჯერა, რომ რუსეთი ირანს ეხმარება. თუ ეხმარება, ბევრს არაფერს აკეთებს. მათ ძალიან ბევრი აქვთ დასაკარგი და მე ამის შესახებ ძალიან მალე გავიგებდი“, — განაცხადა ტრამპმა.
მისივე თქმით, აშშ ირანს როგორც ეკონომიკური, ისე სამხედრო მიმართულებით ძლიერად უტევს.
19 ოქტომბერს რუსეთის საგარეო საქმეთა მინისტრი სერგეი ლავროვი თეირანში ჩავიდა, სადაც ირანის საგარეო საქმეთა მინისტრ აბას არაღჩის შეხვდა.
შეხვედრის შემდეგ არაღჩიმ სოციალურ ქსელში დაწერა, რომ ირანსა და რუსეთს არასდროს უთანამშრომლიათ ისე მჭიდროდ, როგორც ახლა.