საჯარო რეესტრმა „იმედის“ მფლობელ კომპანიაში მეწილეებისა და დირექტორის ცვლილება დაარეგისტრირა. გამოცემა BM.ge-ის ინფორმაციით, 16 ოქტომბერს გაფორმებული ხელშეკრულებებით, კომპანიის კაპიტალის 70%-იანი წილი ჯამში მხოლოდ 700 ლარად გასხვისდა.

ახალი დოკუმენტაციის თანახმად, კომპანიის 100%-იანი წილი ოთხ ფიზიკურ პირს შორის თანაბრად, 25-25%-იანი პროპორციით გადანაწილდა:

• მარიამ ლომიძე — 25%

• ირაკლი ჩიხლაძე — 25%

• მაია ჩიგოშვილი — 25%

• მაგდალინა ანიკაშვილი — 25%

გასხვისების ძირითადი დეტალები:

• შპს „პრაიმ მედია გლობალმა“ (დირექტორი: ილია მიქელაიშვილი) თავისი 50%-იანი წილი სრულად 500 ლარად გაყიდა.

• ვასილ კალანდარიშვილმა (ნათია სონღულაშვილის მეშვეობით) თავისი 10%-იანი წილი მაგდალინა ანიკაშვილს 100 ლარად მიჰყიდა.

• ნათია სონღულაშვილმაც საკუთარი 10%-იანი წილი მაგდალინა ანიკაშვილს სიმბოლურ ფასად, 100 ლარად გადაუფორმა.