ევროკომისიის პრეზიდენტმა ურსულა ფონ დერ ლაიენმა ბრიუსელში, უკრაინის პრეზიდენტთან შეხვედრის შემდეგ განაცხადა, რომ სანქციები ძალაში დარჩება, სანამ რუსეთი ომს არ შეწყვეტს, და დასძინა, რომ ევროკავშირი ამჟამად სანქციების 22-ე პაკეტზე მუშაობს, პარალელურად კი 2027 წლის განმავლობაში უკრაინის ფინანსურ, საბიუჯეტო და სამხედრო საჭიროებებს განიხილავს.
თავის მხრივ, ევროპული საბჭოს პრეზიდენტმა ანტონიუ კოშტამ ხაზგასმით აღნიშნა, რომ ახლა უკრაინის მხარდაჭერის შეწყვეტისა და სანქციების შემსუბუქების დრო არ არის და ვოლოდიმირ ზელენსკის ევროკავშირის წევრობის გზაზე სრული მხარდაჭერა აღუთქვა, მიუხედავად იმისა, რომ საშინელი ომის ფონზეც კი კიევი რეფორმების გატარებასა და შედეგების დადებას აგრძელებს.
უკრაინის პრეზიდენტის თქმით კი, მოსკოვის მხრიდან ომის დასრულების სურვილი არ ჩანს, ამიტომ მათი ნომერი პირველი პრიორიტეტი ზამთრისთვის მომზადებაა, რაც ენერგეტიკულ საჭიროებებთან ერთად, ჰაერსაწინააღმდეგო თავდაცვასა და ფინანსურ უზრუნველყოფას მოიცავს.