უკრაინელებმა რუსეთში, კრასნოდარის მხარეში პავლოვსკაიას ნავთობბაზა დაბომბეს ინფორმაცია და კადრები Telegram არხებზე ვრცელდება. მათი ცნობით, ადგილზე ძლიერი ხანძარი და დაკვამლიანებაა. პავლოვსკაიას ნავთობბაზა არის მსხვილი ენერგეტიკული ობიექტი. ეს ობიექტი მდებარეობს კრასნოდარის მხარეში და ეკუთვნის კომპანია “ლუკოილს”. იგი წარმოადგენს ნავთობპროდუქტებისა და საწვავის შესანახ სადისტრიბუციო ტერმინალს. ეს ნავთობბაზა მნიშვნელოვან როლს ასრულებს რუსული არმიის ლოჯისტიკაში, კერძოდ, ფრონტის ხაზისა და ოკუპირებულ ტერიტორიებზე მყოფი სამხედრო ნაწილების საწვავით უზრუნველყოფაში. შესაბამისად, ის უკრაინის თავდაცვის ძალების ერთ-ერთი მთავარი სამიზნეა. ობიექტი არაერთხელ გამხდარა უკრაინული დრონების მასშტაბური იერიშის სამიზნე.