სამების საკათედრო ტაძარში კენჭისყრის პროცედურა დაიწყო – სინოდის გაფართოებულ კრებაზე რამდენიმე წუთის წინ საარჩევნო ყუთი დალუქეს.
დასალუქად გამოიყენეს სპეციალურად გაფაღრთოებული სხდომისთვის დამზადებული ბეჭედი, რომელიც აქამდე არ გამოყენებულა და არც ამის შემდეგ იქნება გამოყენებული.
პირველი ხმა სენაკისა და ჩხოროწყუს მიტროპოლიტმა და საპატრიარქო ტახტის მოსაყდრემ, მეუფე შიომ მისცა.
ხმის მიცემის პროცესში ჯამში 39 მღვდელმთავარი მიიღებს მონაწილეობას.
შეგახსენებთ, რომ სამების საკათედრო ტაძარში მართლმადიდებელი ეკლესიის გაფართოებული კრება მიმდინარეობას – დღეს საქართველოს კათოლიკოს-პატრიარქს ირჩევენ.
ცნობისთვის, კენჭისყრა სამ კანდიდატს შორის გაიმართება, რომელიც სინოდმა გამოირჩია:
სენაკისა და ჩხოროწყუს მიტროპოლიტი და საპატრიარქო ტახტის მოსაყდრე შიო, რომელიც სამ კანდიდატს შორის მოხვდა 20 ხმით;
მროველ-ურბნელი მიტროპოლიტი იობ აქიაშვილი, რომელიც კანდიდატებს შორისაა 7 ხმით;
ფაზისელი მიტროპოლიტი გრიგოლ ბერბიჭაშვილი, რომელიც სამ კანდიდატს შორის ასევე 7 ხმით მოხვდა.