მოკლული მასწავლებლის, გიგა ავალიანის საქმეზე სახელმწიფო ბრალდებმა კიდევ ერთ სისხლის სამართლის საქმეზე დაიწყო მოკვლევა, რაც გულისხმობს ჯგუფურ ანგარიშსწორებას, რომელიც ჩადენილია განსაკუთრებული სისასტიკით.
შესაბამისი კადრები საგამოძიებო უწყებამ მოიპოვა. მათი ინფორმაციით, სწორედ ბრალდებულების მობილურ ტელეფონებში ინახებოდა კადრები, რომელიც ჯგუფურ ანგარიშსწორებას ასახავდა.
დღეს სახელმწიფო ბრალდების წარმომადგენელმა თქვა, რომ სავარაუდოდ, შემდეგ სასამართლო პროცესზე გიგა ავალიანის დედა, დაზარალებულის სტატუსით გამოიკითხება.
მისი თქმით, სწორედ ეკა კუპატაძემ უნდა მიაწოდოს ის ინფორმაცია, რა ინფორმაციასაც შვილის გარდაცვალებაზე ფლობს.
რა მოხდა?
საჯაროდ გავრცელებული ცნობების თანახმად, 2025 წლის პირველ ოქტომბერს, ღამით, 22:20 საათზე თბილისში, თემქის დასახლებაში მასწავლებელს ორი არასრულწლოვანი აედევნა. ისინი გიგა ავალიანს სახლამდე გაჰყვნენ, სადარბაზოში შესვლამდე თავს დაესხნენ, ერთ-ერთი ამ სცენას ტელეფონით იღებდა. ახალგაზრდა 24 ოქტომბერს გონზე მოუსვლელად გარდაიცვალა.
რა დაწერა სამხარაულის ექსპერტიზის ბიურომ:
სიკვდილის მიზეზი გახდა „ქალა-ტვინის დახურული ბლაგვი ტრავმა, მარჯვნივ შუბლის ძვლის სრული მოტეხილობით“.
რამდენი პირი დააკავეს?
საქმეზე ოთხი პირია დაკავებული, აქედან, თავდაპირველად, ბრალდება ორ არასრულწლოვანს დანაშაულის შეუტყობინებლობას ედავებოდა, თუმცა ავალიანების მოთხოვნის შემდეგ მათ ბრალი დაუმძიმდათ.