კუბის მთავრობა ირწმუნება, რომ 3 იანვარს აშშ-ს მიერ ვენესუელაში ჩატარებულ ოპერაციას 32 კუბელი ოფიცრის სიცოცხლე ემსხვერპლა.
ოფიციალური განცხადება რამდე წუთის წინ გავრცელდა.
კუბის მთავრობის მტკიცებით, კუბელი სამხედრო და პოლიციის ოფიცრები ვენესუელაში მისიით ადგილობრივი ხელისუფლების მოთხოვნით იმყოფებოდნენ, თუმცა გაურკვეველია თუ რა მისიას ასრულებდნენ კუბელი სამხედროები კარაკასში.
“უსაფრთხოებისა და დაცვის საკუთარი მოვალეობისადმი ერთგულებით, ჩვენმა თანამოქალაქეებმა შეასრულეს ვალდებულება ღირსებითა და გმირობით და დაეცნენ მედგარ წინააღმდეგობაში თავდამსხმელებთან პირდაპირ ბრძოლასა თუ ობიექტების დაბომბვის შედეგად.” – ნათქვამია განცხადებაში.