აშშ-ს პრეზიდენტთან, დონალდ ტრამპთან შეხვედრის შემდეგ, უკრაინის პრეზიდენტმა, ვოლოდიმირ ზელენსკიმ Fox News-თან ინტერვიუში თქვა, რომ უკრაინა ასე მარტივად საკუთარ ტერიტორიებს ვერ დატოვებს.

“ჩვენი ტერიტორიებიდან ვერ გამოვალთ, ეს ჩვენ კანონს ეწინააღმდეგება. თუმცა, არა მხოლოდ კანონშია საქმე. იქ ხალხი ცხოვრობს, 300 000 ადამიანი. ჩვენ მათ ვერ დავკარგავთ” – ამბობს ზელენსკი.

ზელენსკისა და ტრამპის შეხვედრა ფლორიდაში 28 დეკემბერს გაიმართა. “დიდი მადლობა პრეზიდენტ ტრამპს, ნამდვილად ძალიან პროდუქტიული შეხვედრა იყო” – თქვა ზელენსკიმ შეხვედრის შემდეგ.

უკრაინის პრეზიდენტმა დაამატა, რომ ომის დასრულების 20-პუნქტიანი გეგმა თითქმის დასრულებულია. თუმცა, მან ასევე აღნიშნა, რომ დარჩა “რთული” ტერიტორიული საკითხები, რაც ჯერ არ გადაწყვეტილა.