პროგრამისტი გიორგი ლუბარეცი ფეისბუქზე აჯამებს, რაზე მიიღო და რაზე არ მიუღია პასუხი საზოგადოებას ხელისუფლების მისამართით მძიმე ბრალდებების გაჟღერებიდან (BBC-ის საგამოძიებო ფილმი) მეშვიდე დღეს:
“დღე 7.
რეჟიმის მიმართ მძიმე ბრალდებაზე ძლივს, მივიღეთ რაღაც ინფორმაცია.
მიღებული ინფორმაცია:
ჭუჭყიანი კონტეინერის ფოტო, რომელზეც წერია კოდი UN3439, CS და დევს სადღაც სარდაფში (სიტყვიერად – უკვე 18 წელია), კედლის ნაშალთან ერთად, რითიც შეგვიძლია ვივარაუდოთ, რომ მისი შენახვის პირობები დაცული არ ყოფილა.
არ მივიღეთ:
– ნივთიერების ლაბორატორიული ანალიზის დოკუმენტაცია
– ნივთიერების გამოყენების აუდიტის კვალის დოკუმენტაცია, რომელიც დაადასტურებდა ზუსტად იმ ნივთიერების გამოყენებას, რომელიც შემოწმდა
– ნოემბერი-დეკემბრის აქციებზე წყალში ნივთიერების გამოყენების პროტოკოლის დოკუმენტაცია
– ტრიქლოროეთილენის ჩამოწერის დოკუმენტაცია, რომელიც ეწინააღმდეგება კობახიძის განცხადებას, რომ ნივთიერებების შემოწმება მხოლოდ ახლა დაიწყეს
– UN3439 ნივთიერების შეძენა-ტრანსპორტირება-შენახვის სრული დოკუმენტაცია 2007 წლიდან დღემდე
– დამოუკიდებელი, საერთაშორისო გამოძიება.
ეს არის მტკიცებულების მინიმალური სტანდარტი. ის, რაც სუსმა გააკეთა, არის საბავშვო ბაღი”, – წერს გიორგი ლუბარეცი.