სოხუმში დღეს დილას მყვინთავებმა ზღავში მდინარე კელასურის შედინების ადგილას სოხუმის უნივერსიტეტის ორი სტუდენტის ცხედარი იპოვეს. ბიჭები გუშინ ნაშუადღევს გაუჩინარდნენ თვითმხილველთა თვალწინ და მთელი ეს პერიოდი მთელი სოხუმი დაძაბული ადევნებდა თვალს სამაშველო სამსახურის საძიებო სამუშაოებს
როგორც დე ფაქტო აფხაზეთის საგანგებო სიტუაციათა სამინისტროს პრესსამსახურის უფროსი მიზან ლომია აცხადებს , მყვინთავებმა ცხედრები შესართავშივე იპოვეს, სავარაუდოდ, სტუდენტები მორევმა ჩაითრია
თვითმხილველების შეტყობინებით, რომელიც საგანგებო სამსახურში გუშინ 15:45 წუთზე შევიდა, ახლგაზრდები პიკნიკზე იმყოფებოდნენ, შემდეგ ზღვაში შევიდნენ, რა დროსაც ისინი ძლიერმა დინებამ წაიღო. ერთერთი ვერსიით ბიჭები წყალში მეგობარი გოგონას საშველად შევიდნენ და შეძლეს მორევისთვის გამოეტაცათ იგი, თუმცა თავად ვერ გამოვიდნენ და იქ მყოფთა თვალთახედვიდან გაქრნენ.
მათ ძებნაში ჩართულები იყვნენ მყვინთავები, კატერები და შვეულმფრენი, მთელი სანაპიროს გასწვრივ ბიჭებს ეძებდნენ უბრალო მოქალქაეებიც.