„ნაციონალური მოძრაობის“ ლიდერი მიხეილ სააკაშვილი წერს, რომ ქობულეთის პოლიციის უფროსის ბუტა ანთაძის სიცოცხლე ივანიშვილის ხის გადატანამ და კრიმინალების მიმართ ხელისუფლების შემწყნარებლურმა პოლიტიკამ შეიწირა.
ეს იყო უწესიერესი ადამიანი, სამი შვილის მამა იმ დროს როცა დაკავებული იყო ივანიშვილის მორიგი ხის გადატანის დაცვით მას მიეპარა კრიმინალი, რომელსაც ქურდად კურთხევა უნდოდა, ამ მიზნით პოლიციელის მკვლელობა გადაწყვიტა და ზურგში დარტყმით მოკლა. მართლა ვეღარ ვცნობ ჩვენს ქვეყანას,“ – წერს მიხეილ სააკაშვილი.
მუხაესტატეს პოლიციის უფროსს, დღეს დილით, გამთენიისას იმავე სოფლის მკვიდრმა სასიკვდილო ჭრილობა ზურგიდან მიპარვით მუცლის არეში მიაყენა. 35 წლის ბუტა ანთაძე საავადმყოფოში მიყვანიდან ერთ საათში გარდაიცვალა. დაკავებულია, წარსულში წვრილმანი ხულიგნობისთვის ნასამართლევი 27 წლის მამაკაცი.