13 ოქტომბერს, უკრაინამ ოკუპირებულ ყირიმში, ფეოდოსიაში მდებარე რუსულ ნავთობის ბაზაზე უპილოტო საფრენი აპარატებით იერიში მიიტანა.
იერიშის შედეგად ობიექტზე გაჩნდა მასშტაბური ხანძარი, რომლის ალი რამდენიმე კილომეტრის სიშორიდან იყო ხილვადი.
ოკუპირებული ყირიმის ე.წ. გუბერნატორის, სერგეი აქსენევის მტკიცებით საჰაერო თავდაცვის სისტემებმა ქალაქში 20 უკრაინული დრონი გაანადგურა.
რამდენიმე Telegram არხის ინფორმაციით, ხანძარი ასევე გაუჩნდა ნავთობის ბაზის რაიონში მდებარე ბენზინის გასამართ სადგურს.