“თინა ბოკუჩავა ჩემს შეცდომას იყენებს” – ამის შესახებ “ფედერალისტების” ლიდერი თამარ ჩერგოლეიშვილი საუბრობს. მისი თქმით, შეცდომისთვის ბოდიში უკვე მოიხადა, განსხვავებით „ნაციონალური მოძრაობის“ ლიდერებისგან, რომლებმაც არაერთი შეცდომა დაუშვეს, მაგრამ არასოდეს მოუხდიათ ბოდიში.

ჩერგოლეიშვილის შეფასებით, ბოკუჩავას კრიტიკა ემსახურება მის შიდა პარტიულ პოზიციების გამყარებას, რადგან თავად რთულ მდგომარეობაშია და ერთგულებას მიხეილ სააკაშვილისადმი ამ გზით ამტკიცებს.

რაც შეეხება თინა ბოკუჩავას ტანტრუმს, მე ძალიან ვწუხვარ, რომ ის რეალურად ჩემს შეცდომას იყენებს, რომლის გამოც მე ბოდიში მოვიხადე, განსხვავებით მისი ყეყეჩი ლიდერებისგან, რომელთაც არაერთი შეცდომა დაუშვიათ, მაგრამ ბოდიში ამაზე არ მოუხდიათ. იმას, მე უნდა მეპატიოს თუ არ უნდა მეპატიოს ეს შეცდომა, გადაწყვეტს “ფედერალისტების” ამომრჩეველი. ვერ მივიღებ შენიშვას პარტიისგან, რომელსაც არასდროს არაფერზე ბოდიში არ მოუხდია. აქედან გამომდინარე, მისი ტანტრუმი ემსახურება პარტიაში მისი პოზიიების განმკიცებას, იმიტომ, რომ თავად არის ნიჩაბზე დადებული. 31 აგვისტოს გადაყენებას უპირებდნენ, ხაბეიშვილი ერჩის, შიდა არეულობა აქვს და ამ გზით უმტკიცებს ერთგულებას მიშას, – ამბობს ჩერგოლეიშვილი.

თამარ ჩერგოლეიშვილმა ერთ-ერთი მედიის (News.On.ge) ფეისბუკგვერდზე მის მიმართ შეურაცხმყოფელ კომენტარებს წყევლითა და უხამსი ლექსიკით უპასუხა. მან საპასუხო კომენტარებს დაურთო ადრესატების ფეისბუკგვერდების მთავარი ფოტოები, რომლებზეც ბავშვები იყვნენ გამოსახული.

აღნიშნულის შემდეგ თინა ბოკუჩავამ 8 პარტიის ფორმატში მყოფ პარტიებს მიმართა, თამარ ჩერგოლეიშვილთან ურთიერთობის დასრულების შესახებ გადაწყვეტილება მიიღონ.