თბილისის დროით 17:00 საათის მონაცემებით, წუხელ კიევზე მიტანილი მასობრივი სარაკეტო იერიშის შედეგად დაღუპულთა რიცხვი 18-მდე გაიზარდა, აქედან 4 ბავშვია.
შეკითხვაზე პასუხად, მიიტანა თუ არა რუსეთმა იერიში საცხოვრებელ კვარტალზე კიევში, კრემლის პრესსპიკერმა განაცხადა, რომ “დარტყმები წარმატებულია, სამიზნეები – განადგურებული. სპეციალური სამხედრო ოპერაცია გრძელდება”.
გამოქვეყნდა კიევის დარნიცის რაიონში მოხდარი მძიმე ტრაგედიის ამსახველი კადრები -რუსული ბალისტიკური რაკეტა პირდაპირ საცხოვრებელ კორპუსს მოხვდა და კედლები ჩამოანგრია. ნანგრეევებქვეშ მოყვა უამრავი ადამიანი, მათ ამოსაყვანად მაშველები დილიდან მუშაობენ.
თავდაპირველად გამოცხადდა 4, შემდეგ 6 დაღუპულის შესახებ, თუმცა, მსხვერპლთა რიცხვი, ფაქტობრივად, ყოველ საატში ერთხელ იზრდებოდა.
კიევზე დარტყმის შემდეგ უკრაინის საგარეო საქმეთა სამინისტრომ ოფიციალურად მიმართა დასავლეთს, მიაწოდოს კიევს შორსმოქმედი შეიარაღება, რათა მას მიეცეს საშუალება, დარტყმები განახორციელოს უშუალოდ რუსეთის სიღრმეში.
გამოქვეყნდა ასევე კადრები, სადაც ჩანს ბალისტიკური რაკეტის კორპუსზე დაცემის მომენტი.