ივანიშვილის ხელისუფლების პრემიერმინისტრმა ირაკლი კობახიძემ დღეს 63 მუნიციპალიტეტში მერობის კანდიდატები წარადგინა. მათ შორის, ცნობილი ხდება, რომ ზუგდიდსაც ახალი მერობის კანდიდატი ეყოლება. ზოგადად რეგიონის 9 მერობის კანდიდატიდან 5 მოქმედი მერია.

“სამეგრელო-ზემო სვანეთში მოქმედ მერებს წარვადგენთ 9-დან 5 მუნიციპალიტეტში. ესენია:
– ფოთში: ბექა ვაჭარაძე
– ხობში: დავით ბუკია
– სენაკში: ვახტანგ გადელია
– აბაშაში: გიგა გაბელაია
– მესტიაში: კაპიტონ ჟორჟოლიანი

ზუგდიდში ჩვენი მერობის კანდიდატი იქნება საქართველოს პარლამენტის წევრი – დათო კოდუა; ჩხოროწყუში ყოფილი პარლამენტარი – ჯუმბერ იზორია; მარტვილში წარმატებული მეწარმე – გიორგი ნაჭყებია; ხოლო წალენჯიხაში წარმატებული საჯარო მოსამსახურე – გუბა საჯაია”, – განაცხადა ირაკლი კობახიძემ.