აჭარის მთავრობის ყოფილი თავმჯდომარე, თორნიკე რიჟვაძე საგარეჯოს „ჯეოჰოსპიტალსიდან“, თბილისში, პირველ საუნივერსიტეტო კლინიკაში გადმოიყვანეს. მისი ჯანმრთელობის მდგოამრეობა ამ დრომდე მძიმეა.
აჭარის მთავრობის ყოფილი თავმჯდომარე კლინიკა „ჯეოჰოსპიტალსში“ გულმკერდის არეში ცეცხლნასროლი ჭრილობით შეიყვანეს.
როგორც შინაგან საქმეთა სამინისტროში აცხადებენ, ყოფილი მაღალჩინოსნის ჯანმრთელობის მდგომარეობა სტაბილურად მძიმეა.
როგორც უწყების განცხადებაში ვკითხულობთ, თორნიკე რიჟვაძეს გადაუდებელი სამედიცინო დახმარება უკვე ჩაუტარდა. ექიმების შეფასებით, მას ფილტვი აქვს დაზიანებული.
თორნიკე რიჟვაძის თვითმკვლელობის მცდელობის საქმეზე ალექსი ახვლედიანია დაკავებული.
ცნობილია, რომ ალექსი ახვლედიანი ოცნებასთან დაახლოებული პირია, რომელიც მრავალი წელია ხელისუფლების შუამავლის როლს ასრულებს – კონსპირაციულ შეხვედრებზე სწორედ ის გადასცემს ადრესატებს ბიძინა ივანიშვილის გზავნილებს