დღეს ფოთი სახალხო დღესასწაულს "ფაზისობას" უმასპინძლებს. მთელი დღის განმავლობაში ქალაქში კულტურული და სპორტული ღონისძიებები ჩატარდება. დაიტვირთება ქალაქის ცენტრი, მოეწყობა კონცერტები, რომელშიც ადგილობრივი შემსრულებლები მიიღებენ მონაწილეობას. დაგეგმილია გამოფენები და სხვადასხვა კულტურული ღონისძიება. დღის ბოლოს კი, 18:00 საათზე, ფოთელებს რუსთაველის რკალზე ბენდი laudspeakers-ის გრანდიოზული კონცერტი ელოდებათ.
ღონისძიებებს ფოიერვერკი დაასრულებს. წელს ფოთის ბიუჯეტი "ფაზისობისთვის" 23 ათას 700 ლარს დახარჯავს.
შეგახსენებთ, ფაზისობა ფოთში 1992 წლიდან იმართება, აგვისტოს ომის შემდეგ იგი შარშანდლამდე არ აღნიშნულა.