წულუკიანის კომისიაზე არგამოცხადების გამო პოლიტიკოსების წინააღმდეგ მიმდინარე საქმეებს სალომე ზურაბიშვილი გამოეხმაურა და რეპრესიების ახალი ტალღა უწოდა.
“დაიწყო და გრძელდება ახალი ტალღა, რომელიც პოლიტიკოსებს ეხებათ, დროებითი საგამოძიებო კომისია ამისთვის შეიქმნა. არავინ არ დაიჯეროს, რომ ეს კომისია იმისთვის შეიქმნა, რომ რაღაც სიმართლე, რომელიც 12 თუ მეტი წლის განმავლობაში არ დადგინდა, ახლა დადგინდეს. კომისია შეიქმნა იმისთვის, რომ პოლიტიკოსები დაიბარონ, ის პოლიტიკოსები არ მივიდნენ, (რაც გასაგებია, რატომ არ უნდა მივიდნენ, იმიტომ, რომ არალეგიტიმურია პარლამენტი და მაშასადამე, კომისიაც) და მერე მათ საშუალება მიეცეთ, ისინი დააჯარიმონ, თუ დაიჭირონ. ეს ტალღა დაიწყო და მიმდინარეობს. ეს არის ახალი რეპრესიების ერთ-ერთი ფორმა,” – განაცხადა სალომე ზურაბიშვილმა.
შეგახსენებთ, წულიკიანის კომისიაზე არგამოცხადების გამო აღკვეთის ღონისძიებად პატიმრობა შეეფარდა ირაკლი ოქრუაშვილს, დაკისრებული გირაო გადახდას არ აპირებს ოპოზიციის კიდევ რამდენიმე ლიდერი, ნაწილმა კი გირაო უკვე გადაიხადა.