„ეჭვგარეშეა, ვინ არის აგრესორი და ვინ არის აგრესიის ობიექტი, და ვინ დგას ევროპის მხარეს” – ამის შესახებ პოლონეთის პრემიერ-მინისტრმა დონალდ ტუსკმა განაცხადა.

ტუსკმა ევროპელი ლიდერების სამიტი შეაფასა და მას “ისტორიული” უწოდა.

ევროპული საბჭოს ყოფილმა პრეზიდენტი ამბობს, რომ შეხვედრაზე საუბარი შეეხო მეტი პასუხისმგებლობის აღებას ევროპული ქვეყნების მხრიდან სამხედრო და თავდაცვის დაფინანსების კუთხით.

“პოლონეთი NATO-ში ყველაზე მეტს, მთლიანი შიდა პროდუქტის 4.7%-ს ხარჯავს და ბედნიერი ვარ, რომ სხვა ქვეყნებიც გააკეთებენ მეტს, ვიდრე სიტყვები და დეკლარაციებია, რატა დაფინანსება გაზარდონ”, – თქვა მან.

ტუსკი მკაფიო იყო რუსეთთან მიმართებითაც, როდესაც პირდაპირ თქვა, რომ “დასავლეთში არავინ აპირებს, მათ აგრესიას და შანტაჟს დაემოირჩილოს”.

ტუსკი ამბობს, რომ მოკავშირეებს სამშვიდობო მოლაპარაკებების უფრო განვითარებული გეგმა სჭირდებათ.
პოლონეთის პრემიერ-მინისტრი თვლის, რომ საჭიროა ფორმატი, რომელშიც ევროპა, თურქეთი და კანადა ერთად ჩაერთვებიან რუსეთთან მოლაპარაკებების გეგმაში.