მთავარისიახლეები''სამოქალაქო სოლიდარობის ფონდი'' საკრებულოს წევრის თაზო ფაცაციას მიერ შშმ პირზე შესაძლო ზეწოლასთან...

”სამოქალაქო სოლიდარობის ფონდი” საკრებულოს წევრის თაზო ფაცაციას მიერ შშმ პირზე შესაძლო ზეწოლასთან დაკავშირებით სახალხო დამცველს მიმართავს

Published on

საჯარო წყაროებში გავრცელდა ზუგდიდის საკრებულოს ფრაქცია “ქართული ოცნების” თავმჯდომარის მოადგილის, თაზო ფაცაციას ხმოვანი ჩანაწერი, სადაც იგი მოქალაქეს მოუწოდებს, არ მიიღოს მონაწილეობა რუსული რეჟიმის წინააღმდეგ გამართულ აქციებში.

ამასთან, ჩანაწერში ჩანს სიძულვილის ენისა და ფარული მუქარის ელემენტები. კონკრეტულად, თაზო ფაცაცია ამტკიცებს, რომ აქციებში მონაწილეობენ “გათხოვილი კაცები”, რაც მის განცხადებაში ჰომოფობიური სიძულვილის ენას ავლენს. გარდა ამისა, აღნიშნული განცხადების ადრესატი არის შეზღუდული შესაძლებლობის მქონე პირი, რის შესახებაც თაზო ფაცაციას ჰქონდა ინფორმაცია, ეს დისკრიმინაციის სავარაუდო შემთხვევაზე მიუთითებს.

ფარული მუქარა – აღნიშნული ფორმით მოქალაქის ზეწოლა არღვევს მის კონსტიტუციურ უფლებას მშვიდობიანი შეკრებისა და გამოხატვის თავისუფლებაზე.

ჰომოფობიური სიძულვილის ენა – ჩანაწერში გამოყენებული ტერმინები და დამოკიდებულება ხელს უწყობს სტერეოტიპების გამყარებას და სიძულვილის გაღვივებას, რაც ეწინააღმდეგება საქართველოს კანონმდებლობით დაცულ თანასწორობის პრინციპს.

დისკრიმინაცია შშმ პირის მიმართ – ადრესატის შეზღუდული შესაძლებლობების შესახებ ინფორმაციის გამოყენება მის დასაშინებლად და ზეწოლის განხორციელებისთვის მიუღებელია როგორც სამართლებრივად, ისე ეთიკურად.

მიგვაჩნია, რომ მსგავსი ქმედებები არღვევს დემოკრატიულ ღირებულებებს, ხელს უშლის თანასწორობის პრინციპების დაცვას და სერიოზულად აზიანებს საზოგადოების ერთიანობას.

შესაბამისად მოვუწოდებთ საქართველოს სახალხო დამცველი Public Defender of Georgia -ს დაუყოვნებლივ დაიწყოს აღნიშნული ფაქტის შესწავლა. 

აღნიშნულია ”სამოქალაქო ფონდის მიერ გავრცელებულ განცხადებაში.

სიახლეები

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...

2026 წლის იანვარ-სექტემბერში საქართველოში ავტოსაგზაო შემთხვევას 315 ადამიანი ემსხვერპლა

2026 წლის იანვარ-სექტემბერში საქართველოში 46 082 ავტოსაგზაო შემთხვევა მოხდა - დაიღუპა 315, ხოლო დაშავდა...