აზიურ ფაროსანასთან საბრძოლველად ზუგდიდის მუნიციპალიტეტს 10 ერთეული სპეციალური ტექნიკა გადაეცა, აქედან 5 თერმული ნისლის, 3 ცივი ნისლის დანადგარი და 2 ტრაქტორი მასივების შესაწამლად. ამის შესახებ ინფორმაციას ზუგდიდის მერია ავრცელებს.
მერიის ცნობით, ტექნიკის პრეზენტაცია საქართველოს გარემოს დაცვისა და სოფლის მეურნეობის სამინისტროს წარმომადგენელმა ლაშა შალამბერიძემ სამეგრელო-ზემო სვანეთის მხარის გუბერნატორ ლევან შონიასთან, ზუგდიდის მუნიციპალიტეტის მერ ლაშა გოგიასთან, საკრებულოს თავმჯდომარე მამუკა წოწერიასთან, ზუგდიდის მაჟორიტარ მერაბ ქვარაიასთან და სურსათის ეროვნული სააგენტოს წარმომადგენლებთან ერთად გამართ.