მთავარისიახლეები"გლობალური ომის პარტია არის რუსეთი"..."საქართველო ევროპაა და არა რუსეთი..." - ევროპელი დეპუტატები

“გლობალური ომის პარტია არის რუსეთი”…”საქართველო ევროპაა და არა რუსეთი…” – ევროპელი დეპუტატები

Published on

შემდეგი ნაბიჯი არის ყველა სავარაუდო დარღვევის დამოუკიდებელი გამოძიება, რათა აღდგეს ნდობა პროცესის მიმართ. დამოუკიდებელი გამოძიების გარეშე ჩვენ ვერ ვაღიარებთ ამ არჩევნების შედეგებს – განაცხადა გერმანიის ბუნდესტაგის საგარეო კომიტეტის ხელმძღვანელმა, მიხაილ როთმა ორბელიანების სასახლიდან გამოსვლის შემდეგ.

ევროპელი დეპუტატები პრეზიდენტთან შეხვედრისა და ერთობლივი პრესკონფერენციის შემდეგ, პრეზიდენტის სასახლესთან შეკრებილ მოქალაქეებთან გავიდნენ და მხარდაჭერა გამოუცხადეს.

“გლობალური ომის პარტია მართლაც დიდი საფრთხეა არა მხოლოდ საქართველოსთვის, არამედ ჩვენი სხვა მეგობრებისთვისაც. გლობალური ომის პარტია მართლაც არსებობს და ეს არის რუსეთი. რუსული იმპერიალიზმი არის საფრთხე არა მხოლოდ უკრაინისა და აღმოსავლეთ ევროპისთვის. რუსული იმპერიალიზმი იწყებს ძალიან სახიფათო პროპაგანდას ჩვენი ფასეულობების წინააღმდეგ, დემოკრატიისა და თავისუფლების წინააღმდეგ. სწორედ ამიტომ, ჩვენ ყველანი ერთ ნავში ვსხედვართ, როგორც გერმანიაში, ასევე საქართველოში და სხვა ევროპულ ქვეყნებში. სწორედ ამიტომ ვდგავართ ჩვენ აქ ქართველი ხალხის უმრავლესობასთან ერთად, რომელსაც სწამს ევროპული ღირებულებების.

შემდეგი ნაბიჯი არის ყველა სავარაუდო დარღვევის დამოუკიდებელი გამოძიება, რათა აღდგეს ნდობა პროცესის მიმართ. დამოუკიდებელი გამოძიების გარეშე ჩვენ ვერ ვაღიარებთ ამ არჩევნების შედეგებს.” თქვა როთმა.

“საქართველო ევროპაა და არა რუსეთი. ჩვენ დავბრუნდებით. მალე შევხვდები ერთმანეთს” – განაცხადა ლიეტუვის პარლამენტის ვიცე-სპიკერმა და ევროპულ საქმეთა კომიტეტის თავმჯდომარემ, ჟიგიმანტას პავილიონისმა.

“ჩვენ არ ვუჭერთ მხარს რადიკალებს, ჩვენ მხარს ვუჭერთ დემოკრატიას” – აღნიშნა პოლონეთის პარლამენტის საგარეო ურთიერთობათა და ევროკავშირის საქმეთა კომიტეტის წევრმა, მიჰაუ კამინსკიმ.

სიახლეები

ნარკოლოგიური შემოწმებისას ადამიანებს პოლიტიკური ნიშნით არ ვარჩევთ – შსს

შსს განცხადებას ავრცელებს, სადაც აღნიშნავს, რომ კამპანია, თითქოს შსს-ს წარმომადგენლები ნარკოლოგიურ შემოწმებას მხოლოდ საპროტესტო...

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა, რომელშიც ქვეყანაში მიმდინარე მოვლენები დემოკრატიის...

ირაკლი ზარქუა რასა იუკნევიჩიენეზე – რაისა „კომუნისტკა“ არ ისვენებს

"რაისა და მისი სადაქალო“ - ასე მოიხსენიებს "ოცნების" დეპუტატი ირაკლი ზარქუა იმ ევროპარლამენტარებს, რომლებიც,...

პროკურატურის დღევანდელმა მოწმეებმა სინდისის პატიმრების წინააღმდეგ ჩვენება ვერ მისცეს

სინდისის პატიმრების, ანდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას, გურამ მირცხულავას,...