აშშ-ის პრეზიდენტმა დონალდ ტრამპმა ლათინურ ამერიკაში თავისი პირველი ოფიციალური ვიზიტი გააუქმა, რომელიც მიმდინარე კვირას უნდა გამართულიყო. ის ქვეყანაში დარჩება და ყურადღებას გაამახვილებს იმ ქიმიურ შეტევაზე, რომელიც გასულ კვირას სირიაში განხორციელდა. „როიტერის“ ინფორმაციით, ამის შესახებ თეთრი სახლის პრესმდივანმა სარა სანდერსმა განაცხადა.
ტრამპი პერუს დედაქალაქში გამგზავრებას პარასკევს გეგმავდა, შემდეგ კი კოლუმბიაში უნდა ჩასულიყო. ელოდნენ, რომ ეს ვიზიტი დაძაბული იქნებოდა ამ ქვეყნების სამიგრაციო პოლიტიკასთან დაკავშირებით ტრამპის უკმაყოფილების გამო. ამერიკის პრეზიდენტის ნაცვლად, ამ ქვეყნებში აშშ-ის ვიცეპრეზიდენტი გაემგზავრება.