ზუგდიდის ცენტრალურ საფეხბურთო სტადიონს სატენდერო კომისიის გადაწყვეტილებით შპს „დაგი“ ააშენებს. ეს არის ერთერთი კომპანია იმ ორიდან, რომელმაც  სტადიონის მშენებლობაზე მესამედ გამოცხადებულ ტენდერში მიიღო მონაწილეობა. ტენდერში მისი კონკურენტი  შპს „ლიტომის წარმომადგენლობა საქართველოში“ იყო.

გამარჯვებულმა კომპანიამ  სრულყოფილად წარმოადგინა  ყველა საჭირო დოკუმენტაცია და აქვს ყველა შესაძლებლობა წარმატებით გაართვას თავი უეფას სტანდარტების შესაბამისი სტადიონის მშენებლობას. – აცხადებენ კომისიის წევრები.ქალაქის მერიასა და სამშენებლო კომპანიას შორის ხელშეკრულება 16 ნოემბრამდე უნდა გაფორმდეს. შესყიდვის ღირებულება 9`747`000.00 ლარს შეადგენს.