“გურიანიუსის” ცნობით, თბილისი-ოზურგეთის მატარებელი რკინიგზის სადგურ ნატანებთან ლიანდაგებიდან გადავიდა, თუმცა, არცერთი ვაგონი არ ამობრუნებულა – შემთხვევის შედეგად არავინ დაშავებულა. სარკინიგზო შემთხვევის მიზეზები ამ დრომდე უცნობია.
“ოზურგეთი-თბილისის მატარებლის ელმავალი და პირველი ვაგონი სოფელ ნატანებთან აცდა ლიანდაგს. შემთხვევის შედეგად არავინ დაშავებულა. ამ დროისათვის მიმდინარეობს მოკვლევა და შემთხვევის გამომწვევი მიზეზის დადგენა“,- აცხადებს “საქართველოს რკინიგზა”.