22-23 თებერვალს საქართველოს უმეტეს რაიონებში მცირე წვიმაა მოსალოდნელი.
გარემოს ეროვნული სააგენტოს ჰიდრომეტეოროლოგიური პროგნოზების სამსახურის ცნობით , 22-23 თებერვალს დასავლეთ საქართველოში ჰაერის ტემპერატურა 10-15 გრადუსი იქნება, ხოლო აღმოსავლეთში – 7-12 გრადუსი.
რაც შეეხება დედაქალაქს, ხვალ თბილისშიც მოსალოდნელია მცირე ნალექი, ხოლო 23 თებერვალს დედაქალაქში უნალექო ამინდი იქნება.