◻️ აფეთქებები რუსეთში, ვორონეჟსა და რიაზანში: ამ უკანასკნელში ნავთობბაზა იწვის, ვორონეჟის ოლქში კი, რუსი პროპაგანდისტების ცნობით, რამდენიმე ათეული უკრაინული დრონი ჩამოაგდეს.
◻️ ცნობილია, რომ უკრაინული დრონები ვორონეჟთან მტრის აეროდრომს უტევდნენ, შედეგებზე ინფორმაცია ჯერ არ გავრცელებულა.
◻️ უკრაინული დრონები წუხელ რუსეთის ქალაქ ვოლგოდონსკსაც უტევდნენ.
◻️კრივოი როგზე, მირნგოროდსა და სუმის ოლქის დასახლებებზე ოკუპანტების მიერ მიტანილი იერიშის შედეგად, სულ მცირე, 4 ადამიანი დაიღუპა, დაზიანებულთა შორის ბავშვებიც არიან.
◻️პროპაგანდისტ დიმიტრი კისელევთან საუბარში ვლადიმირ პუტინმა განაცხადა, რომ “მათთან, ვისაც ცხვირი კოკაინში აქვთ ჩარგული”, მოლაპარაკება უფრო ადვილია, ვიდრე ჭკვიან და საშიშ ადამიანებთან, რომლებიც საზოგადოების ცნობიერებაზე ზემოქმედებენ.
◻️ აშშ უკრაინისთვის $400 მილიონის ღირებულების სამხედრო დახმარების პაკეტს ამზადებს.
◻️ევროკავშირი უკრაინისთვის €5 მილიარდი ევროს ღირებულების სამხედრო დახმარების პაკეტის დამტკიცებას უახლოეს მომავალში აპირებს.
◻️ევროკავშირმა სანქციები მოუხსნა “იანდექსის” თანადამფუძნებელსა და “ღამის მგლების” ერთ-ერთ ხელმძღვანელს.