ტრაგედია მოხდა თერჯოლის მუნიციპალიტეტის სოფელ ზედა საზანოში: მდინარე ძუსაში მამა-შვილი და სტუმრად მყოფი ორი ახალგაზრდა გოგო დაიხრჩო, ერთის გადარჩენა მაშველებმა მოახერხეს.
როგორც გადარჩენილი გოგო ამბობს, სეირნობის დროს კაცს ფეხი დაუცურდა და მდინარეში ჩავარდა, ჯერ შვილი, შემდეგ კი სტუმრები წყალში მის გადასარჩენად შევიდნენ, თუმცა, დინებამ ყველა გაიტაცა.
მაშველებმა თავდაპირველად სამი ცხედარი იპოვეს, ცოტა ხნის წინ კი – მეოთხე.
პარალელურად, გადაარჩინეს ერთი გოგო, რომელიც კლინიკაშია გადაყანილი და მის სიცოცხლეს საფრთხე არ ემუქრება. გადარჩენილი გოგო 20 წლამდე ასაკისაა, დაღუპულთაგან კი ერთი ხანდაზმული კაცი და სამი სკოლის მოსწავლეა.
შენიშნა: ფოტო თემატურია და არ არის გადაღებული შემთხვევის ადგილზე.