მთავარისიახლეებისაზოგადოებაერთი ნომერ პირველი მტერი პუტინმა მოიშორა, მეორე მის ხელშია, მაგრამ მე ვაპირებ,...

ერთი ნომერ პირველი მტერი პუტინმა მოიშორა, მეორე მის ხელშია, მაგრამ მე ვაპირებ, მტრის ჯინაზე, ვიბრძოლო სიცოცხლისთვის – სააკაშვილი

Published on

საქართველოს მესამე პრეზიდენტი, მიხეილ სააკაშვილი სასამართლოზე სიტყვით გამოსვლის დროს რუსი ოპოზიციონერის, ალექსეი ნავალნის გარდაცვალებასაც გამოეხმაურა და თქვა, რომ პუტინი უკრაინის პრეზიდენტის გამოჩენამდე, ნავალნისა და მას თვლიდა ნომერ პირველ მტრად.

მიხეილ სააკაშვილის თქმით, პუტინმა ერთი ნომერ პირველი მტერი მოიშორა, ხოლო მეორე, მის ხელშია, რადგან საქართველოს პენიტენციური სისტემა კონტროლდება რუსული სპესამსახურების მიერ.

“ნავალნისთან მე მქონდა მიმოწერა, მან ბოდიში მოიხადა 2008 წელს საქართველოსთვის დაყენებული პოზიციების მიმართ, ჩემთან მიმოწერის შემდეგ, მნიშვნელოვანი იყო, მე ძალიან დავაფასე. […] ნავალნიმ გამოხატა მისი სოლიდარობა თავისი ციხის კამერიდან ჩემ მიმართ, მანამდე მოკლეს პოლიტკოვსკაია, რომელსაც ძალიან კარგად ვიცნობდი, ნემცოვი რომელთანაც ბევრი უთანხმოება მქონდა, მაგრამ ძალიან ვმეგობრობდი და ახლა ნავალნი. პუტინმა ასევე საჯაროდ გამოთქვა სურვილი მე ჩამოვეკიდებინე ერთი ადგილი, პუტინი თავიდანვე დაიმუქრა რომ მე მოვხდებოდი ციხეში, თავიდანვე დაიმუქრა რომ მე აუცილებლად გამანადგურებდა ფიზიკურად, როდესაც ნავალნიზე საუბრობდა პუტინი, ამბობდა ეს არის რუსული სააკაშვილიო, ნავალნის არ ახსენებდა, მისთვის ნომერ პირველი მტრები სანამ ზელენსკი გაჩნდებოდა, ვლადიმერი ჩემი უშუალო შეფი ახლა, რადგან მე ვარ უკრაინის ნაციონალურ რეფორმათა საბჭოს თავმჯდომარე, ის ამბობდა, რომ მიხეილ სააკაშვილი და ნავალნი, გამოხატავდა ამას ყველანაირად, რომ იყვნენ მისი ნომერ პირველი მტრები, ერთი ნომერ პირველი მტერი მან მოიშორა, მეორე მის ხელშია, იმიტომ, რომ ყველაფერი რაც ეხება საქართველოს პენიტენციურ სისტემას თავიდან ბოლომდე კონტროლდება მათ შორის რუსული სპეცსამსახურების მიერ და ეს ჩვენ ძალიან კარგად ვიცით, მაგრამ მე ვაპირებ მტრის ჯინაზე ვიბრძოლო სიცოცხლისთვის, აუცილებლად ვიბრძოლებ თქვენთვის, ჩემთვის სიცოცხლე არაფერს წარმოადგენს, მე ჩემი თავისუფლება, სიცოცხლე დავაგდე ქართველი ერის ფეხებთან და ვუთხრი აჰა, თქვენ შეგიძლიათ ეს აიღოთ, გამოიყენოთ როგორც ინსტრუმენტი თქვენი მდგომარეობის გასაუმჯობესებლად, ამოსასუნთქად, ჩვენი სიამაყის, იმედის დასაბრუნებლად და ეს აუცილებლად ასეც განხორციელდება”, – თქვა მიხეილ სააკაშვილმა.

მან მოიკითხა რუსი ოპოზიციონერი ვლადიმერ კარა-მურზა, რომელიც ასევე ციხეშია და სრული მხარდაჭერა გამოუცხადა ნავალნის ქვრივს.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...