საქართველოს ყოფილმა პრეზიდენტმა და ოდესის გუბერნატორმა მიხეილ სააკაშვილმა, თავის ოფიციალურ ფეისბუქ გვერდზე უარყო გამომცემლობა Politico-ს მიერ გავრცელებული ინფორმაცია, რომლის მიხედვითაც, მას უკრაინის პრემიერმინისტრობა სურს.
"უბრალოდ, თავი რომ ავარიდო ნებისმიერ სპეკულაციას, მინდა ვთქვა, რომ მე არასდროს, არცერთი ჟურნალისტისათვის არაფერი მსგავსი არ მითქვამს, რომ თითქოს უკრაინის პრემიერმინისტრობა მსურს", – წერს სააკაშვილი თავის ოფიციალურ ფეისბუქ გვედზე.
მან აგრეთვე აღნიშნა, რომ მას არასდროს არანაირი შეთავაზება არ მიუღია, უკრაინის პრემიერმინისტრის პოსტის დაკავებასთან დაკავშირებით და ამის "არანაირი სურვილი" არ ჰქონია.
იმის შესახებ, რომ სააკაშვილი უკრაინის პრემიერმინისტრად დანიშვნისათვის ემზადება, გამომცემლობა Politico-მ გაავრცელა ინფორმაცია, რომელიც ოდესის გუბერნატორს ესაუბრა. შეკითხვაზე, მის შესაძლო დანიშვნასთან დაკავშირებით უკრაინის პრემიერმინისტრის პოსტზე, სააკაშილმა უპასუხა: "მე მინდა, რომ მონაწილეობა მივიღო დიდი ცვლილებებისა და რეფორმების განხორციელებაში, რასაც ნებისმიერი პოსტიდან მოვახერხებ".