მერიას შესრულებულ სამუშაოებთან დაკავშირებით შენიშვნა არ ჰქონია, – ამის შესახებ კომპანია ”ყვარელრემმშენის” დირექტორმა გიორგი ჯოხარიძემ გუშინ, თითქმის ოთხსაათნახევრიანი გამოკითხვის შემდეგ ჟურნალისტებს, ისნის პოლიციის შენობასთან განუცხადა.
როგორც კომპანიის დირექტორმა აღნიშნა, მას შემდეგ, რაც კომპანიამ მეტროს სადგურ ”ვარკეთილში” სამუშაოები დაასრულა, ჩატარდა ექსპერტიზა. რაც შეეხება მომხდართან დაკავშირებით პასუხისმგებლობას, ჯოხარიძის თქმით, პასუხისმგებელ სუბიექტს გამოძიება დაადგენს. კომპანიის დირექტორმა ისიც განმარტა, თუ რატომ იყო „ყვარელრემმშენი ”შავ სიაში” შეყვანილი. ”შავ სიაში იმიტომ ვიყავით, რომ ერთ-ერთ ობიექტზე საერთოდ არ გამოვცხადდით და ეს შესრულებული სამუშაოს ხარისხს არ ეხება”, – აღნიშნა გიორგი ჯოხარიძემ.