სოციალურ ქსელებში ვრცელდება დამატებითი ინფორმაცია დღეს დილით, რიკოთის გვირაბთან მომხდარი ტრაგედიის შესახებ.
როგორც აღმოჩნდა, ავარიის დროს დაღუპულები თბილისიდან, ახლობლის ქორწილიდან ბრუნდებოდნენ. ექვსივე გალის რაიონის სოფელ ნაბაკევიდანაა.
ავარიის შედეგად გარდაცვლილი 6 ადამიანიდან ორი მცირეწლოვანი ბავშვია. გავრცელებული ინფორმაციით, ავტომანქანაში, რომელსაც გზის საპირისპირო მხარეს მოძრავი ტრაილერი დაეჯახა, ერთი ოჯახის რამდენიმე წევრი და მათი ახლო ნათესავები ისხდნენ. ავარიის შედეგად, 5 ადამიანი, მათ შორის ბავშვები ადგილზევე გარდაიცვალნენ. ერთი კი ხაშურის საავადმყოფოში შეყვანის შემდეგ გარდაიცვალა.
მსუბუქი ავტომანქანის მძღოლი გადარჩა, ის ხაშურის საავადმყოფოში მსუბუქი დაზიანებებით შეიყვანეს და მალევე გაწერეს.
ტრაგედიით შეძრული ახლობლები და ნაცნობ – მეგობრები აქვეყნებენ დაღუპულთა ფოტოებსაც
გამოძიება სისხლის სამართლის კოდქსის 276-ე მუხლის მე-7 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.