შეერთებულ შტატებს შეუძლია ერთდროულად დაეხმაროს როგორც უკრაინას, ისე ისრაელს, ამიტომ ბოლო დღეების მოვლენები არ ქმნის კიევისთვის ვაშინგტონის მხარდაჭერის დაკარგვის საფრთხეს. ამის შესახებ ჯო ბაიდენის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა.
“თუ აგრესია პოტენციურად გავრცელდება მთელ ევროპაში, ბევრად უფრო მომგებიანია მოქმედება ახლა, ვიდრე მოგვიანებით უზარმაზარი ფასის გადახდა, რაც საბოლოოდ შეიძლება მოითხოვდეს ამერიკული ჯარების რეალურ განლაგებას”, – განაცხადა სალივანმა.
აშშ-ის პრეზიდენტის მრჩევლის განცხადებით, აშშ-ის შესაძლებლობები საკმარისი იქნება არა მხოლოდ უკრაინისა და ისრაელის, არამედ ინდო-წყნარი ოკეანის რეგიონში მოკავშირეების დასახმარებლად.
ამერიკის პრეზიდენტის მრჩეველმა ხაზგასმით აღნიშნა, რომ უკრაინის დახმარების ამჟამინდელი ხარჯები ვერ შეედრება იმ ხარჯებს, რომლებსაც შეერთებული შტატები, იძულებული იქნება, მიმართოს უკრაინის დამარცხების შემთხვევაში.