NATO-ს საპარლამენტო ასამბლეამ რეზოლუციაში ცვლილებები დაამტკიცა, სადაც NATO გმობს საქართველოს ოკუპირებულ ტერიტორიაზე რუსული სამხედრო გემების განთავსებას.
როგორც რეზოლუციაშია აღნიშნული, ჩრდილო-ატლანტიკური ალიანსი გმობს რუსეთის განზრახვას, ააშენოს საზღვაო ბაზა ოჩამჩირეში, რომელიც მდებარეობს საქართველოს უკანონოდ ოკუპირებულ ტერიტორიაზე. ოკუპანტი ქვეყნის განზრახვა, NATO-ს შეფასებით, ემუქრება შავი ზღვის რეგიონში დესტაბილიზაციის შეტანას.
NATO ასევე უმკაცრესად გმობს რუსეთის გაუმართლებელ, არაპროვოცირებულ, უკანონო და
უკრაინის წინააღმდეგ სასტიკ აგრესიულ ომს, ასევე აფხაზეთისა და საქართველოს სამხრეთ ოსეთი/ცხინვალის რეგიონების უკანონო ოკუპაციას.
NATO ემხრობა საქართველოს ჩრდილო-ატლანტიკურ კავშირში გაერთიანებას, მათ შორის უმნიშვნელოვანესია საკვანძო დემოკრატიულ რეფორმების გატარება.