გარემოვაჭრეების შეხვედრა მერთან ნაწილობრივი შეთანხმების მიღწევით დასრულდა.

გარევაჭრობის დაშვების მოთხოვნით დღეს დილით მერიასთან მოვაჭრეები შეიკრიბნენ.გარემოვაჭრეები მერიის მიერ შეთავაზებულ ალტერნატიულ ფართზე უარს ამბობენ, იმ მიზეზით, რომ მათი სავაჭრო საქონლის ღირებულება იმდენი არ არის, რომ დიდი გადასახადი გადაიხადონ. „რა ვქნათ, არ გვაქვს საქონელი იმდენი, რომ შიგნით ფული გადავიხადოთ, 100-150 ლარის საქონელი გვაქვს და ამით რა გავაკეთოთ?, ყველას სესხები გვაქვს“- აცხადებენ მოვაჭრეები. მათი ნაწილი ქალაქის მერს შეხვდა, თუმცა შეთანხმება ბოლომდე მიღწეული არ არის. ნაწილი უკმაყოფილოა, ნაწილი კი მერიის შეთავაზებას დათანხმდა. თავის მხრივ, მერია დათმობაზე წასვლას არ აპირებს. „შეთანხმება ნაწილობრივ მიღწეულია, ჩვენ გავაგრძელებთ ინდივიდუალურად მოლაპარაკებებს ყველა მათგანთან, გათვალისწინებული იქნება მათი შესაძლებლობები და მოხდება მათი გადანაწილება შეთავაზებულ ბაზრობებში. 3 თვის განმავლობაში არ გადაიხდიან გადასახადს, ხოლო 3 თვის შემდეგ, ჩვეულებრივად დაეკისრებათ ის გადასახადი, რაც არის დაწესებული. ჩვენ გარევაჭრობას არ დავუშვებთ“- განაცხადა მერმა ლაშა გოგიამ. რაც შეეხება, მოვაჭრეების მოთხოვნას, გარევაჭრობა მაისამდე ნებადართული იყოს, მერია არ დათანხმდა.

გარემოვაჭრეების შეხვედრა მერთან ნაწილობრივი შეთანხმების მიღწევით დასრულდა.

სიახლეები

მამაჩემის მკვლელობაში თქვენ ხართ დამნაშავეები-ონისე ცხადაძე

ტრამპი რუსეთ-უკრაინის ომის დასრულებაზე- დღეს პუტინთან საერთოდ არანაირი პროგრესი არ მქონია

შსს- პოლიციამ 150 გრამამდე „კოკაინი“ ამოიღო – დაკავებულია ერთი პირი

კვერცხი 7%-ით, ხორცი 3%-ით, ბაღჩეული და ბოსტნეული კი 26,3%-ით გაძვირდა – საქსტატი