“ეროვნული ბანკი გასუფთავდა. იდეალური სურათი მიიღო სახელმწიფომ ამ ყველაფრიდან. ზოგი ჭირი მარგებელია – არის ასეთი გამოთქმა” – აცხადებს “ოცნების” თავმჯდომარე სებ-იდან ვიცე-პრეზიდენტებისა და მრჩევლის წასვლასთან დაკავშირებით – “ამ შემთხვევაში, ერთდღიანი ჭირის დატრიალება სცადა ოპოზიციამ, მაგრამ საბოლოო ჯამში, საკუთარი თავი დაისაჯეს” ამბობს კობახიძე.
მისივე მტკიცებით, სებ-ის საბჭოს წევრობის კანდიდატები პრეზიდენტთან დაიბარეს და უარზე განცხადების დაწერა მოსთხოვეს.
შეგახსენებთ, ნათია თურნავას ერთპიროვნული გადაწყვეტილების შემდეგ, ფარცხალაძისთვის საბანკო ანგარიშებზე წვდომის აღდგენის შესახებ, გუშინ, 20 სექტემბერს ეროვნული ბანკი დატოვა სამმა ვიცე-პრეზიდენტმა: პაპუნა ლეჟავამ, არჩილ მესტვირიშვილმა და ნიკოლოზ გაგუამ. ასევე თანამდებობა დატოვა პრეზიდენტის მრჩეველმა, გიორგი ბაქრაძემ.