უკრაინის არმიის გენშტაბის ცნობით, ქვეყნის რეგიონებზე წუხანდელი საჰაერო შეტევის დროს მტრის მიერ გამოშვებული 24 “შაჰიდიდან” 17 ჩამოაგდეს. ღამის განმავლობაში უკრაინის უმეტეს რეგიონებში, პლუს კიევში, საჰაერო განგაში იყო.
გასული დღე-ღამის განმავლობაში უკრაინაში ლიკვიდირებულია 520 რუსი ოკუპანტი, საერთო ჯამში კი, ლიკვიდირებული და მწყობრიდან გამოყვანილი სამხედროების რიცხვი თითქმის 274 ათასია. გასული დღე-ღამის განმავლობაში, ასევე, განადგურებულია მოწინააღმდეგის 7 ტანკი და 34 საარტილერიო სისტემა.
19 სექტემბერს, გაეროს 78-ე გენერალურ ასამბლეაზე უკრაინის პრეზიდენტმა დღეისათვის აქტუალურ, მთავარ თემებზე ისაუბრა:
“თავის დროზე, ბირთვული შეიარაღების შემცირებამ თავიდფან ვერ აგვაცილა ის ომი, რომელიც ახლა უკრაინაში მიმდინარეობს”;
“უკრაინამ გასცა თავისი, სიდიდით მესამე ბირთვული არსენალი. მაშინ მსოფლიომ გადაწყვიტა, რომ რუსეთი ყოფილიყო ასეთი ძალის შემნახველი. მაგრამ ისტორიის განვითარებამ გვიჩვენა, რომ ჯერ კიდევ მაშინ, 1990-იანებში, სწორედ რუსეთი იმსახურებდა ბირთვულ განიარაღებას. ის ახლაც იმსახურებს განიარაღებას, რადგან ტერორისტები არ უნდა ფლობდნენ ბირთვულ იარაღს”;
“რუსეთი ყოველ ახალ ათწლეულში ახალ ომს იწყებს”;
“უკრაინის მშვიდობის ფორმულა არის ისტორიული შანსი, რომ მსოფლიოში პირველად, მშვიდობა დამყარდეს იმ ხალხის პირობების გათვალისწინებით, რომლებსაც თავს დაესხნენ”;
“რუსეთი ახდენს უკრაინელი ბევშვების დეპორტაციას რუსეთში, წყვეტს მათ კავშირს ოჯახებთან და ასწავლის მათ, როგორ უნდა სძულდეთ უკრაინა – ეს ნამდვილი გენოციდია”;
“ჩემთვის ცნობილია კულისებს მიღმა ჩრდილოვანი გარიგებების მცდელობების შესახებ. ბოროტების ნდობა არ შეიძლება. შეეკითხეთ პრიგოჟინს, ღირს თუ არა ენდო პუტინის დანაპირებს”,- განაცხადა ვოლოდიმირ ზელენსკიმ გაეროს გენანსამბლიის სხდომაზე სიტყვით გამოსვლისას.