თვითგამოცხადებული აფხაზეთის ყოფილი ე.წ. თავდაცვის მინისტრი (2003-2004) და “აფხაზეთის გმირის” წოდების მფლობელი, ვიაჩესლავ ეშბა – მფრინავი, რომელიც რუსეთ-საქართველოს ომის აფხაზეთის მონაკვეთში დაფრინავდა Л-39, Як-52 და ვერტმფრენ Ми-8-ით, მოკვდა – ის 78 წლის იყო. 

სიკვდილის მიზეზი დაკონკრეტებული არ არის, დაკრძალვა კი 28 აგვისტოს, მის მშობლიურ სოფელ დურიფშში შედგება. 

ეშბა 1999-დან 2009 წლამდე დე ფაქტო აფხაზეთის სამხედრო-საჰაერო ძალებს მეთაურობდა, 2003 და 2004 წლებში კი თავდაცვის მინისტრი იყო. 

2009 წლიდან ეშბა სოხუმის საერთაშორისო აეროპორტის დირექტორი იყო.