თურქეთში ტრაპზონის აეროპორტში თურქული ავიაკომპანია Pegasus Airlines-ის სამგზავრო თვითმფრინავი, რომელიც ასრულებდა რეისს ანკარა – ტრაპზონი, დაშვებისას ასაფრენ ბილიკს გასცდა და ავარია განიცადა.
ამის შესახებ ინფორმაციას თურქული ტელეარხი Haberturk ავრცელებს.
თვითმფრინავში 164 ადამიანი იმყოფებოდა.
არსებული ინფორმაციით, რამდენიმე მათგანი მსუბუქად დაშავდა. ისინი საავადმყოფოში გადაიყვანეს, ხოლო დანარჩენი მგზავრების ევაკუირება მოხდა.