"საქართველოს პატრიოტთა ალიანსის" ლიდერი ირმა ინაშვილი  საგარეჯოში ჩატარებული პარლამენტის შუალედური არჩევნების შედეგებს  არ აღიარებს და 8 ნოემბრიდან საპროტესტო აქციების გამართვას გეგმავს. როგორც  დღეს გამართულ  პრესკონფერენციაზე განაცხადა ,  ღირსეული გამარჯვება სწორედ მან მოიპოვა და მის დათმობას თამარ ხიდაშელისთვის არ აპირებს, ჯერ შედეგებს გაასაჩივრებს და  პერმანენტულ საპროტესტო აქციებსაც დაიწყებს.  

"მე და ჩემი თანამოაზრეები ისევ ვუბრუნდებით რუსთაველის ძეგლს და ისევ ვამაგრებთ საპროტესტო კერას რუსთაველის ძეგლთან. ჩვენ ვიწყებთ პერმანენტულ აქციებს, ასევე, ვგეგმავთ დიდ აქციას, რომელიც პერმანენტული აქციების დასაწყისი იქნება, ეს იქნება 8 ნოემბერს", – განაცხადა ინაშვილმა.

შეგახსენებთ, განსხვავება ,,ქართული ოცნების" კანდიდატმა  თამარ ხიდაშელმა ხმების  49.5% მიიღო, ირმა ინაშვილმა 45,8%. მათ შორის სხვაობა დაახოლებით 600 ხმაა.